ਸਾਡੇ ਪਿੰਡ ਲਾਪਰਾਂ ਦੇ 23 ਸਾਲਾ ਨੌਜਵਾਨ ਲਖਵੀਰ ਸਿੰਘ ਲੱਖੀ ਪੁੱਤਰ ਜਗਦੀਸ਼ ਸਿੰਘ ਦੀ ਸ਼ੱਕੀ ਹਲਾਤਾਂ ਵਿੱਚ ਪਈ ਲਾਸ਼ ਮਿਲੀ ਹੈ

 ਸਾਡੇ ਪਿੰਡ ਲਾਪਰਾਂ ਦੇ 23 ਸਾਲਾ ਨੌਜਵਾਨ ਲਖਵੀਰ ਸਿੰਘ ਲੱਖੀ ਪੁੱਤਰ ਜਗਦੀਸ਼ ਸਿੰਘ ਦੀ ਸ਼ੱਕੀ ਹਲਾਤਾਂ ਵਿੱਚ ਪਈ ਲਾਸ਼ ਮਿਲੀ ਹੈ | ਮ੍ਰਿਤਕ ‘ਲੱਖੀ’ ਪੇਸ਼ੇ ਵਜੋਂ ਹੇਅਰ ਕਟਿੰਗ ਦਾ ਕੰਮ ਕਰਦਾ ਸੀ । 9 ਸਤੰਬਰ ਬਾਅਦ ਦੁਪਹਿਰ ਨੇੜਲੇ ਪਿੰਡ ਬਿਲਾਸਪੁਰ ਵਿੱਚ ਗੁੱਗਾ ਮਾੜੀ ਤੇ ਮੇਲਾ ਵੇਖਕੇ ਆਇਆ, ਪਰੰਤੂ ਸ਼ਾਮ ਨੂੰ ਉਸ ਨੂੰ ਕਿਸੇ ਲੜਕੇ ਦੇ ਫੋਨ ਆਉਣ ਤੋਂ ਬਾਅਦ ਜਲਦਬਾਜ਼ੀ ਚ ਉਸ ਲੜਕੇ ਨਾਲ ਮੋਟਰਸਾਇਕਲ ਤੇ ਚਲਿਆ ਗਿਆ ਦੇਰ ਰਾਤ ਨਾ ਮੁੜਨ ਕਰਕੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਸੀ ਅਤੇ ਥਾਣਾ ਪਾਇਲ ਨੂੰ ਸੂਚਿਤ ਵੀ ਕਰ ਦਿੱਤਾ ਗਿਆ ਸੀ । 11 ਤਰੀਖ ਨੂੰ ਦੇਰ ਸ਼ਾਮ ਪਿੰਡ ਲਾਪਰਾਂ ਤੋਂ ਥੋੜੀ ਦੂਰ ਪਿੰਡ ਭੁੱਟਾ ਦੀ ਹਦੂਦ ਵਿੱਚ ਸੜਕ ਦੇ ਨੇੜੇ ਖੇਤ ਵਿੱਚ ਪਈ ਲਾਸ਼ ਮਿਲੀ ਹੈ, ਜਿਸ ਨੂੰ ਵੇਖਦੇ ਹੀ ਪਿੰਡ ਵਿੱਚ ਮਾਤਮ ਛਾ ਗਿਆ । ਮ੍ਰਿਤਕ ਦੇ ਪਿਤਾ ਨੇ ਖ਼ਦਸਾ ਜਾਹਿਰ ਕੀਤਾ ਕਿ ਸਾਡੇ ਪੁੱਤਰ ਦਾ ਕਤਲ ਹੋਇਆ ਲੱਗਦਾ ਹੈ ਕਿਉਂਕਿ ਮ੍ਰਿਤਕ ਦੇ ਗਲ ਅਤੇ ਛਾਤੀ ਉੱਪਰ ਸੱਟ ਦੇ ਨਿਸ਼ਾਨ ਦਿਖਾਈ ਦੇ ਰਹੇ ਹਨ । ਉਹਨਾਂ ਪ੍ਰਸ਼ਾਸਨ ਨੂੰ ਪੁਰਜ਼ੋਰ ਅਪੀਲ ਕੀਤੀ ਕਿ ਇਸ ਦੀ ਬਾਰੀਕੀ ਵਿੱਚ ਜਾਂਚ ਹੋਣੀ ਚਾਹੀਦੀ ਹੈ ਤਾਂ ਜੋ ਮੌਤ ਦੇ ਅਸਲੀ ਕਾਰਨਾਂ ਦਾ ਪਤਾ ਲੱਗ ਸਕੇ |