ਤੇਰਾ ਸੁੰਦਰ ਸੋਹਣਾ ਸਰੂਪ ਕਥਨ ਚ ਨਹੀਂ ਆ ਸਕਦਾ , ਤੇਰੀ ਸੰਪਤੀ( ਬ੍ਰਹਮ ਗਿਆਨ) ਮਾਯਾ ਦੇ ਤਿੰਨਾਂ ਗੁਣਾ ( ਰਜੋ , ਤਮੋ , ਸਤੋ ) ਤੋਂ ਉੱਪਰ ਹੈ , ਹੇ

 ਵਿਆਖਿਆ ਜਾਪ ਸਾਹਿਬ ਪਉੜੀ ੧੨੧ - ੧੨੫

ਕਿ ਹੁਸਨਲ ਵਜੂ ਹੈਂ । ਤਮਾਮੁਲ ਰੁਜੂ ਹੈਂ ।

ਹਮੇਸੁਲ ਸਲਾਮੈ । ਸਲੀਖ਼ਤ ਮੁਦਾਮੈ ।। ੧੨੧।।

ਗਨੀਮੁਲ ਸਿਕਸਤੈ । ਗਰੀਬੁਲ ਪਰਸਤੈ ।

ਬਿਲੰਦੁਲ ਮਕਾਨੈ । ਜਮੀਨਲ ਜਮਾਨੈ ।। ੧੨੨ ।।

ਤਮੀਜੁਲ ਤਮਾਮੈ । ਰੁਜੂਅਲ ਨਿਧਾਨੈ ।

ਹਰੀਫੁਲ ਅਜੀਮੈ । ਰਜਾਇਕ ਯਕੀਨੈ ।। ੧੨੩।।

ਅਨੇਕੁਲ ਤਰੰਗ ਹੈਂ । ਅਭੇਦ ਹੈਂ ਅਭੰਗ ਹੈਂ ।

ਅਜੀਜਲ ਨਿਵਾਜ ਹੈਂ । ਗਨੀਮੁਲ ਖਿਰਾਜ ਹੈਂ ।।੧੨੪ ।।

ਨਿਰੁਕਤ ਸਰੂਪ ਹੈਂ । ਤ੍ਰਿਮੁਕਤ ਬਿਭੂਤ ਹੈਂ ।

ਪ੍ਰਭੁਗਤਿ ਪ੍ਰਭਾ ਹੈਂ । ਸੁਜੁਗਤਿ ਸੁਧਾ ਹੈਂ ।।੧੨੫ ।।

ਅਰਥ :

ਹੇ ਵਾਹਿਗੁਰੂ ਤੂੰ ਸੁੰਦਰਤਾ ਦੀ ਮੂਰਤ ਹੈ , ਸਾਰਿਆਂ ਵੱਲ ਧਿਆਨ( ਰੁਜੂ) ਦੇਣ ਵਾਲਾ ਹੈ , ਤੂੰ ਹਮੇਸ਼ਾ ਸਲਾਮਤ ਰਹਿਣ ਵਾਲਾ ਹੈ , ਤੂੰ ਸਥਿਰ ਸੰਤਾਨ (ਸਲੀਖਤ) ਵਾਲਾ ਹੈ , ਤੂੰ ਵਡਿਆ ਵਡਿਆ ਵੈਰੀਆਂ ਨੂੰ ਹਰਾਉਣ ਵਾਲਾ ਹੈ , ਗਰੀਬ ਨਿਵਾਜ ਹੈ , ਤੇਰਾ ਸਥਾਨ (ਮਕਾਨ) ਬਹੁਤ ਉੱਚਾ ਹੈ , ਤੂੰ ਧਰਤੀ ਤੇ ਅਕਾਸ਼ ਵਿੱਚ ਵਿਆਪਕ ਪਸਰ ਰਿਹਾ ਹੈ , ਤੂੰ ਸਭ ਨੂੰ ਪਛਾਣਨਣ ਵਾਲਾ ਵਿਵੇਕ ਸਰੂਪ ਹੈ , ਤੂੰ ਸਭ ਵੱਲ ਧਿਆਨ ਦੇਣ ਵਾਲੀ (ਰੁਜੂ ਕਰਨ) ਰੁਚੀ ਦਾ ਭੰਡਾਰ ਹੈ ,  ਤੂੰ ਵੱਡਾ ਮਿੱਤਰ ਹੈ , ਕਿਉਂਕਿ ਤੂੰ ਸਭਨਾ ਨੂੰ ਨਿਸ਼ਚੇ ਹੀ ਰੋਜੀ ਦੇ ਰਿਹਾ ਹੈ ਕਿਸੇ ਪ੍ਰਤੀ ਵੈਰ ਵਿਰੋਧ ਨਹੀਂ ,  ਅਨੇਕ ਲਹਿਰਾਂ ਵਾਲਾ ਬੇਅੰਤ ਸਰੂਪ ਸਾਗਰ ਰੂਪ ਹੈ , ਜੋ ਕੇ ਭੇਦ ਪੌਣ ਅਤੇ ਨਾਸ਼ ਹੋਣ ਤੋਂ ਰਹਿਤ ਹੈ , (ਅਜੀਜ ) ਪਿਆਰਿਆਂ  ਨੂੰ ਸੋਭਾ ਦੇਣ ਵਾਲਾ ਹੈ , ਸਾਰੇ ਤੇਰੇ ਅਧੀਨ ਹੋਣੇ ਕਰਕੇ ਤੂੰ ਵੈਰੀਆਂ ਕੋਲੋ ਕਰ ਵਸੂਲ ਕਰਦਾ ਹੈ , 

ਤੇਰਾ ਸੁੰਦਰ ਸੋਹਣਾ ਸਰੂਪ  ਕਥਨ ਚ ਨਹੀਂ ਆ ਸਕਦਾ , ਤੇਰੀ ਸੰਪਤੀ( ਬ੍ਰਹਮ ਗਿਆਨ) ਮਾਯਾ ਦੇ ਤਿੰਨਾਂ ਗੁਣਾ ( ਰਜੋ , ਤਮੋ , ਸਤੋ ) ਤੋਂ ਉੱਪਰ ਹੈ , ਹੇ ਵਾਹਿਗੁਰੂ ਤੇਰੇ ਹੀ ਪ੍ਰਤਾਪ ਤੋਂ ਭੋਗਣ ਵਾਲੀ ਸਮਗ੍ਰੀ ਪੈਦਾ ਹੋਈ , ਪਰ ਤੂੰ ਇਹਨਾਂ ਤੋਂ ਅਲੇਪ ਅੰਮ੍ਰਿਤ ਰੂਪ ਸਮਗ੍ਰੀ ਨਾਲ ਸੰਯੁਕਤ ਹੈ ।